Goran Haxhiç, mbërrin në Gjykatën e Hagës

Goran Haxhiç mbërrin në Gjykatën e Hagës, ndërsa ai akuzohet për krime lufte në Kroaci në vitet 1991-95. Kapja e tij ishte kërkesa e fundit e Gjykatës së Hagës, pas arrestimit në muajin maj të Ratko Mlladiçit.
 

Udhëheqësi i serbëve të Kroacisë gjatë konfliktit në ish Jugosllavi në vitet 90-të, iu fsheh drejtësisë pas ngritjes së akuzave kundër tij në vitin 2004 për krime lufte dhe krime kundër njerëzimit. Ai është akuzuar se dha urdhër për vrasjen e qindra banorëve jo-serbë të Kroacisë dhe dëbimin e mijëra të tjerëve nga vendi.