Greqi, 2 shqiptarë tentojnë arratisjen nga burgu

DHOMOKOS- Dy shqiptarë kanë tentuar të arratisen nga burgu i Dhomokos në Greqi, duke vënë në pikëpyetje sigurinë e burgjeve atje.

Sipas informacioneve paraprake,  dy të burgosurit janë përpjekur të largohen, pak pas mesnate, duke shfrytëzuar edhe moTin e keq.

Dy shqiptarët, njëri 29, vjeç dhe tjetri 24, vjeç, kanë mundur të dalin deri në oborrin e burgut, por në momentin e kalimit të gardhiT ata janë bllokuar nga rojet e sigurisë.

29- vjeçari shqiptar po vuan në këtë burg një dënim  të përjetshëm për trafik droge dhe disa vepra të tjera penale, ndërsa 24- vjeçari është dënuar me 15 vjet heqje lirie për vjedhje.