Greqi, Papandreu mbledh krerët e partive politike

''Takimi i shefave të partive të djathta, komuniste, të majtës radikale dhe ekstremit të djathtë do të zhvillohet javën e ardhshme nën drejtimin e presidentit, Karolos Papulias'', theksoi Papandreu.

"Ata do të mblidhen për luftën kundër korrupsionit dhe në mbështetje të transparencës, për një funksionim sa më të mirë të shtetit dhe për një sistem fiskal më të drejtë'', deklaroi ai.

''Ky takim zhvillohet për t'u përcjellë një mesazh të fortë vendeve të huaja duke treguar se ne jemi të vendosur për të ecur përpara dhe për një ekonomi më të shëndetshme'', shtoi kryeministri grek.