Greqi, qeveria do rimbursojë turistët

Greqia ka deklaruar se do të mbulojë të gjitha shpenzimet shtesë për çdo turist që ka mbetur i bllokuar në vend si pasojë e një aksioni industrial apo katastrofe natyrore.

Oferta është pjesë e një përpjekjeje për të përmirësuar imazhin e Greqisë, që u dëmtua nga grevat dhe protestat e njëpasnjëshme kundër planit anti-krizë të qeverisë.

Turizmi përbën rreth 20 për qind të të ardhurave të vendit, por prenotimet për këtë vit kanë rëne me pothuajse 10 për qind.