Greqi vijon greva e sindikatave

Qindra kamioniste mbajne te pushtuar sheshin perpara parlamentit. Protesta ka hyre ne diten e saj te dhjete. Pervec problemeve qe kjo greve ka krijuar ne transportin e mallrave dhe levizjen e qytetareve ne rruget e kryeqytetit banoreve te Athines i jane shtuar edhe greva te tjera.

Mesditen e se merkures eshte ndalur edhe transporti hekurudhor dhe metroja e Athines ndersa shitesit ambulante kane protestuar perpara Ministrise se Ekonomise. Sindikatat e hekurudhave nisin dhe ato nje greve pese oreshe ne shenje kundershtimi te planeve te qeverise Papandreu per reforme te thelle ne kete sektorin me deficitin me te madh ne vend plot 10 miliarde euro.

Qe prej ores 11 deri ne oren 1600 asnje tren pasagjeresh ose mallrash nuk do te udhetoje ne te gjithe vendin ndersa greves i jane bashkangjituer edhe punonjesit e Metrose se Athines dhe Tramvajes te cilet preken prej reformes se ketij sektor. Ministri i Transporteve Dhimitris Rrepas ka deklaruar se ndryshimet parashikojne uljen e shpenzimeve funksionale te sektorit pakesimin e vendeve te punes dhe reduktim te pagave ndersa ne nje te ardhme te afert kompania e vetme e hekurudhave teresisht shteterore OSE do te ndahet dhe privatizohet. Sindikatat thone se do te pershkallezojne protestat e tyre gjate diteve te ardhshme.