Gripi 16 mije te prekur ne jave

Shkon ne 16 mije ne jave numri i personave te prekur nga gripi. Sipas Institutit te Shendetit Publik numri i te konfirmuarve me gripin e derrave ka arritur ne 72 nderkohe qe realisht eshte disa here me i larte. Te dhenat e fundit qe ne kemi tregojne se vendin e ndan nje fije e holle nga epidemia. Qytetaret duhet te bejne kujdes pasi viruset qe qarkullojne ne javet ne vijim pritet te kene nje shperndarje akoma me te madhe ne popullate thone specialistet e Institutit te Shendetit Publik. Sipas tyre pergjithesisht personat e prekur nga gripi nuk kane pasur komplikacione te renda. Ka disa raste qe po trajtohen ne spital por nuk kemi deri tani asnje rast te rende apo me komplikacione te forta sqaruan specialistet e ISHP-se. Sipas tyre kategorite qe duhet te bejne me shume kujdes gjate ketyre diteve jane te moshuarit femijet apo grate shtatzena. Edhe ne shkolla apo te gjitha ambientet kolektive duhet te tregohet kujdes pasi virusi mund te perhapet nga njeri person tek tjetri u shprehen specialistet. Nderkohe kreret e Ministrise se Shendetesise  sigurojne se strukturat shendetesore jane orientuara per te marre te gjitha masat ne perballimin e ndonje epidemie te mundshme. Ata bejne apel qe qytetaret te drejtohen tek mjeket e familjes pas shfaqjes se simptomave te gripit. Por gjate gjithe ketyre diteve ato qe kane pasur dyndje me shume jane urgjencat e spitaleve. Ne pediatrine e QSU-se paraqiten mesatarisht 200 femije ne dite me probleme te rrugeve te frymemarrjes apo simptoma te tjera te gripit.