Gripi pushton Partizanin, 7 lojtare "KO"

Pas nje starti mjaft te mire, duket fundviti po rezervon momentet me te keqija per skuadren e Partizanit. Pasi ka humbur disi kontaktet me Dinamon e vendit te pare (blute jane +4), "Demat e Kuq" shohin Tiranen qe afrohet kercenueshem (-2 pike, kur disa jave me pare bardheblute ishin 10 pike poshte tyre). Sikur te mos mjaftoje kjo, pas barazimit dramatik ne Durres me Teuten e vendit te parafundit, Partizanit i duhet te perballoje ne fundjave Flamurtarin, me nje skuader emergjence, gjithnje nese do te mundet ta grumbulloje nje te tille.
Jane plot 7 lojtare te Partizanit te semure me grip, shto ketu edhe Babamusten e demtuar, apo Devollin e ndeshkuar me karton te kuq, qe e kane bere Hasan Liken me dhimbje koke. Dhembi, Pinari, Beqiri, Abilaliaj, Bakaj, Malindi dhe Shehi jane lojtaret e prekur nga viroza keto dite. Disa prej tyre (Dhembi, Bakaj e Malindi) kane qene te pamundur dhe per ndeshjen kunder Durresit, ndersa te tjeret jane "new-entry" ne listen e te griposurve. Osmani e Shkembi kane qene me leje njeditore per te festuar Krishtlindjet ne Korcen e tyre, ndersa trajneri Lika nuk ka pasur ne dispozicion as nje gjysme skuadre per te bere stervitjet e radhes.
Pare situaten alarmante, stafi i kuq do te depozitoje sot ne zyrat e federates, nje kerkese, per te shtyre perballjen me Flamurtarin, sepse nuk e ka aspak te mundur te kete gati nje skuader te gatshme per perballjen e fundjaves. Nuk dihet se cfare vendimi do te marre FSHF-se per kete problem, por ne te shkuaren, federata i ka shtyre ndeshjet kur ndonje klub ka paraqitur ankesa te ngjashme. Megjithate, per te marre nje vendim te tille duhet te pyetet edhe klubi tjeter, Flamurtari, qe nuk do ta humbiste nje mundesi me te mire per te arritur nje fitore ne Tirane.