Gruevski takohet me eurokomisionerin Fule ne Bruksel
Kryeministri i Maqedonise Nikolla Gruevski pritet te takohet me eurokomisionerin per zgjerim te BE-se Shtefan Fule. Reformat e brendshme si dhe vleresimet rreth raportit te BE-se per progresin ne Maqedoni qe pritet te publikohet muajin e ardhshem do te jene temat kryesore te ketij takimi. Delegacioni qeveritar perbehet nga zevendeskryeministri per eurointegrime Vasko Naumovski dhe shefi i diplomacise Antonio Milloshoski. Ne delegacionin e larte qeveritar nuk eshte ftuar asnje nga ministrat shqiptare apo zevendeskryeministri Abdilaqim Ademi. Kryeministri Gruevski ka planifikuar takime te niveleve te larta me perfaqesues te BE-se ne kuader te mbledhjes se Partise Popullore Europiane. Ne Bruksel po zhvillohet edhe mbledhja e Keshillit te BE-se ne nivel te kryeministrave dhe ministrave te jashtem te 27 vendeve anetare ku do te shqyrtohen marredheniet e BE-se me partneret e saj strategjik. Debatet mbi Francen per debimin e romeve drejt Rumanise dhe Bullgarise duket se do te dominojne ne nje samit te lidereve te vendeve te BE ne Bruksel.