Haiti, Duvalie akuzohet për krime kundër njerëzimit

Ish sundmitari i Haitit, Zhan-Klod Duvalie është akuzuar për torturë dhe krime të tjera kundër njerëzimit.

Mishel Montas, gazetare haitiane dhe ish zëdhënëse e Kombeve të Bashkuara, tha se ajo dhe tre haitianë të tjerë, të cilët ishin burgosur gjatë sundimit të Duvalies, kanë ngritur padi kriminale kundër tij bashkë me një prokuror të Haitit.

Prokurorët shtetërorë tashmë e kanë akuzuar ish diktatorin për korrupsion dhe manipulim fondesh gjatë sundimit të tij në periudhën 1971-1986.

Të dielën, Duvalie u kthye papritur në Haiti pas 25 vjetësh në ekzil.