Hakmarrja atentat ne mes te Vlores
Atentat ne qender te qytetit te Vlores policia ne kerkim te autoreve. Ngjarja e rende ka ndodhur mbremjen vone te se dieles rreth ores 20.00 ne zonen e njohur si ish-Atelia. Objekt i atentatit ka qene nje 25-vjecar i cili ka mbetur i plagosur ne shpatull. Nderkohe qe eshte lenduar edhe nje kalimtar i rastesishem. Nje automjet i tipit Renault ngjyre jeshile me targa FR 3398 D ne brendesi te se ciles kane qene dy persona ende te paidentifikuar te maskuar me kapele kane qelluar me nje pistolete me silenciator ne drejtim te 25-vjecarit Kujtim Osmanit nga Vlora i cili po udhetonte me nje motor. Atentatoret kane qelluar 5 here ne drejtim te te riut por vetem njeri prej plumbave e ka lenduar ne shpatull. Si pasoje e goditjeve me arme eshte plagosur edhe nje kalimtar i rastit i cili ka marre nje plumb ne nofull pasi po kalonte rastesisht ne kete rruge. 25- vjecari Osmeni ka rritur shpejtesine e motorit me te cilin po ecte dhe ka mundur te evitoje qe plumbat ti pershkojne trupin duke marre vetem nje plumb ne shpatull. Nderkohe autoret e ngjarjes ende te paidentifikuar jane futur ne brendesi te rrugices. Ata kane ecur rreth 200 metra ne brendesi te lagjes dhe kane braktisur makinen duke humbur ne mes pallatesh. Ne momentin e gjetjes se automjetit ai ka qene i demtuar ne pjesen e parakolpit cka mendohet prej bluve se autoret e ngjarjes e kane goditur nga pas motorin. Te demtuarit jane cuar menjehere ne polici ndersa qofte objektivi i vrasesve ashtu edhe kalimtari rastesor jane jashte rrezikut per jeten ne mbikeqyrjen e mjekeve dhe policise ne spitalin rajonal te Vlores. Blute jane paraqitur menjehere ne vendngjarje ku kane kryer ekspertimet paraprake dhe aty jane gjetur 5 gezhoja motori i rrezuar i te plagosurit dhe shenja gjaku ndersa rreth 200 metra me tutje vendit te ngjarjes eshte gjendur automjeti i braktisur per te cilin po kryhen hetimet mbi targat dhe shenja te tjera gishtash qe mund te gjenden ne te. Arma e krimit tip pistolete eshte gjendur nga nje grua rastesisht ne rruge pak metra larg vendit te ngjarjes dhe pak minuta nga ngjarja ajo i eshte dorezuar policise. Mendohet se autoret e kane hedhur kur kane qene duke u larguar. Nderkohe policia eshte duke zbardhur shkaqet e ngjarjes por nga te dhenat paraprake mendohet se shkak i atentatit ndaj 25-vjecarit Kujtim Osmeni ka qene nje sherr i vjeter.