Halimi: Marrëveshja Beograd-Prishtinë, fillim i mirë

Arritja e marrëveshjeve për lëvizje të lirë, për regjistrin civil dhe njohjen e diplomave, është fillim i mirë në dialogun Beograd- Prishtinë, dhe ka rëndësi të madhe për shqiptarët, që jetojnë në Luginën e Preshevës, tha sot, Riza Halimi, lider i Partisë për Veprim Demokratik.

Ai ka vlerësuar se me këto marrëveshje, përfundon getoizimi i shqiptarëve në Luginën e Preshevës, që u krijua pas vitit 1999 dhe mundësojnë lidhje më të lira me Kosovën.

Gjithashtu Riza Halimi, ka vlerësuar se “ndër çështjet më të rëndësishme për shqiptarët në Luginën e Preshevës, në dialogun Serbi - Kosovë, është edhe njohja e diplomave të Prishtinës”, çështje kjo që zvarritet për një kohë të gjatë.