Hansi Flick: Donim të ktheheshim në rrugën e duhur pas dy humbjeve

Me një fitore të qartë 4-1, ndaj Hoffenheim, Bayern Munchen mori fitoren e katërt radhazi në Bundesligë, duke konfirmuar veten si udhëheqësin e renditjes. Pas ndeshjes së zhvilluar në Allianz Arena, trajneri Hansi Flick komentoi për performancën e ekipit të tij:

“Ne jemi mësuar të përballemi me skuadra që dëshirojnë të luajnë futboll – tha për fcbayern.com -. Hoffenheim gjithashtu e demonstroi këtë dhe krijoi shanse, veçanërisht në pjesën e parë. Neuer bëri ndërhyrje të mira në disa situata. 4-1 është një rezultat shumë I mirë. Kemi fituar katër ndeshje radhazi dhe kemi grumbulluar 12 pikë, ky është standardi ynë. Bëmë një lojë të mire”.

“Sigurisht që jo gjithçka shkoi mirë, por unë jam i kënaqur. Ne dëshironim të riktheheshim në rrugën e duhur pas dy humbjeve. Kjo është ajo që e bën një ekip të shkëlqyer. Kemi treguar se mund të përmirësohemi relativisht shpejt. Kjo na jep besim te vetja”.