Harasani: Bojkoti i zgjedhjeve, shans i humbur

Deputeti i Partise Socialiste, Andis Harasani, u shpreh dje ne emer te Levizjes per Mendimin Ndryshe se bojkoti i zgjedhjeve te pjesshme, eshte nje shans i humbur ne nje beteje ndaj koalicionit Berisha-Meta. "Eshte koha te perballemi me kete koalicion te brishte, gjithsesi kryesocialisti, Edi Rama, po keshillohet me kryesine socialiste ndersa afatet per te regjistruar kandidatet kane perfunduar", vuri ne dukje Harasani. Ai shprehu keqardhje qe mbledhja e kryesise zhvillohet 24 ore me vonese nga mbyllja e orarit zyrtar te regjistrimit te kandidateve. Megjithate, zyrtari larte socialist shpreh besimin se nuk eshte ndonje problem i madh pasi socialistet te njejten gje bene edhe me zgjedhjet e qershorit. "Shpresoj te mos jete ogur i keq ky. Ne mbledhjen e kryesise personalisht kerkova qe PS te marre pjese ne keto zgjedhje pasi eshte mundesia me e mire, mundesia me e arte per PS per te vertetuar te gjitha ato akuza qe ne i kemi ngritur kesaj qeverie, ketij koalicioni te brishte", deklaroi sekretari Politik per Programin ne seline roze. Harasani theksoi se socialistet kane mundesi qe ne date 15 nentor te fitojne bindshem. Ai thote se do te nenshkruaje kerkesen e socialisteve drejtuar Parlamentit per hetimin e zgjedhjeve. Por, vijoi zyrtari socialist, me e thjeshte do te ishte pjesemarrja ne kuvend. "Marrja e Komisionit Hetimor mund te behet shume thjesht, mjafton te hyjme ne parlament. Megjithate ne qofte se zgjidhet rruga nepermjet firmave, une personalisht do te jem nga te paret qe do te firmos", perfundoi fjalen e tij, Andis Harasani.