Hartimi i planeve rregulluese, mirëpritet nga ndërtuesit

Miratimi i fondit për zhvillimin e paketës së dytë të planeve rregullues për Korçën, Lushnjën , Beratin dhe Gjirokasterën ka patur një qëndrim të kënaqshëm për Shoqatën e Ndërtuesve. Arben Dervishi, përfaqësues i kësaj shoqate shprehet se n.q.s miratohen planet si për këto qytete ashtu edhe për Tiranën, atëherë edhe marrëdhënia midis ndërtuesit, pushtetit vendor dhe qëndror do të më korrekte.
Ndërkaq nga ana tjetër ai tërhoqi vëmendjen për vonesën që po ndodh nga firmat të cilat janë duke realizuar planet për paketën e parë në Kamëz dhe në Durrës.
Nga ana tjetër plani rregullues për kryeqytetin është duke qëndruar në harresë dhe nuk dihet nëse ka shkuar apo jo për tu mirtuar pranë KRRTRSH-së, Tirana vazhdon që të mbajë të njëjtin plan që ka patur që në vitin 1989.