Helikopterët ushtarakë serbë në stërvitje pranë kufirit me Kosovën

Ushtria serbe zhvilloi në orët e para të mëngjesit të së mërkurës një stërvitje ushtarake të pazakontë pranë vijës kufitare me Kosovën.

Gjatë stërvitjes, gjashtë parashutistë u hodhën nga një helikopter mbi zonën e Breznicës në Bujanoc ndërsa një tjetër helikopter fluturoi drejt Muhovcit në pot ë njëjtën komunë, ku u lëshuan parashutistë të tjerë.

Sipas burimeve nga policia kufitare e Kosovës, dy helikopterët fluturuan përgjatë kufirit, por një banor i zonës u shpreh për agjencinë e lajmeve Kosova Press se mjetet kishin hyrë edhe në territorin e Kosovës. Forcat policore të Kosovës ndërkohë theksuan se një aktivitet I tillë pranë kufirit nuk ishte zhvilluar kurrë më parë.

/rtsh.al/