Helsinki: Partite, te vonuara per reformen zgjedhore
Shoqeria civile reagoi dje ndaj vonesave te politikes ne reformen zgjedhore, duke deklaruar se koha nuk mjafton dhe rrezikohen standardet e zgjedhjeve. Komiteti Shqiptar i Helsinkit dhe Grupi i te Drejtave te Njeriut paralajmeruan dje hapur se standardet e zgjedhjeve parlamentare 2009 jane te rrezikuara, sepse realizimi i reformes zgjedhore po vonohet. Mosbesues ndaj premtimeve te bera se fundmi nga Kryetarja e Kuvendit, Jozefina Topalli, se reforma do te realizohet brenda korrikut, perfaqesuesit e shoqerise civile thane dje se deklarata te tilla jane te nxituara dhe euforike. "Partite politike per ceshtje te vecanta te reformes zgjedhore te pergatitin projektet e tyre. Megjithate, sipas mendimit tone, kjo praktike relativisht e mbyllur dhe e kufizuar veshtire te jape rezultatet e deshiruara, sepse do te kufizonte kohen e diskutimit dhe debatit gjitheperfshires", u shpreh Vasilika Hysi, e Komitetit Shqiptar te Helsinkit. Ndersa juristi i njohur Njazi Jaho, renditi te gjitha problemet qe aktualisht do te hase permiresimi i kodit. Sipas tij, shqetesues eshte shperndarja e kartave te identitetit, jo berja e tyre si dhe votimi i emigranteve. "Partite politike jane te vonuara me reformen. Deshire mund te kene, por koha nuk premton, se kodi i ri duhet te jete gati te pakten 6 muaj para zgjedhjeve", tha Jaho. Ai theksoi gjithashtu se eshte e pamundur qe reforma te realizohet brenda korrikut, kjo pasi nevojiten te pakten disa muaj. Mosbesues ndaj realizimit te reformes, duke iu referuar eksperiencave te viteve te kaluara, perfaqesuesit e shoqerise civile paraqiten nje sere problemesh qe, sipas tyre, forcat politike duhet t'i marrin parasysh. Keshtu, ata sugjeruan qe sistemi i ri zgjedhor dhe modalitetet, qe do i shtohen, duhet te jene pjese e diskutimeve te gjera, per te mos lejuar qe te nderhyjne interesat politike ne reforme. Sipas tyre, dhe fakti se si duhet te jete e perbere administrata zgjedhore, nga organizimi e deri te kompetencat, duhet te debatohet gjeresisht. Shoqeria civile sugjeron qe administrata zgjedhore te mos kete me nderhyre apo perberje politike. "Nje vemendje e vecante duhet t'i kushtohet kartave te identitetit, regjistrit dhe sistemit te adresave", sugjerojne juristet. R.Rapushi