Heqin tatimet e dyfishta me Çekinë

Republika e Kosovës dhe Republika e Çekisë të enjten kanë finalizuar negociatat që kanë për qëllim nënshkrimin e marrëveshjes për eliminimin e tatimeve të dyfishta në mes të këtyre vendeve.

Këto negociata janë zhvilluar në mes të delegacionit nga Ministria e Financave të Kosovës dhe delegacionit nga Ministria e Financave e Çekisë.

Finalizimi i këtyre negociatave në nivelin teknik do të bëjë të mundur që në një të ardhme të afërt të bëhet edhe nënshkrimi formal.