"Hetim per ngjarjen, transparence per shkaqet"

Vdekja e nje paciente ne ambientet e spitalit te Sarandes ka sjelle reagimin edhe te drejtuesve te institucionit. Nje ekip nga Ministria e Shendetesise eshte urdheruar qe te udhetoje drejt qytetit bregdetar per te verifikuar pretendimet e familjareve. Arben Vogli, drejtori i Sherbimit Shendetesor, i pyetur nga "Koha Jone" mbi ngjarjen e ndodhur deklaroi nisjen e nje hetimi te brendshem. "Sapo me njoftuan se Enkelejda ishte ne gjendje te rende dhe se kishte nevoje per nje sherbim kompleks, njoftuam tere personelin mjekesor, qe nga reanimatori, kirurgu, kardiologu etj. Mjeke specialiste qe te jepnim kontributin e tyre per te shpetuar nga vdekja 25-vjecaren", thote ai. Bluzat e bardha kane kryer goditje elektrike, deri te nderhyrjet per ta rikthyer ne jete te rene, por pas dy oresh perpjekje ajo ka vdekur. "I ndodhur ne kete situate, une njoftova menjehere prokurorine dhe policine. Pas njoftimit ne ministri per ngjarjen, kerkova te komunikoj me ekspertet ligjor ne Tirane dhe prej tyre mora konfirmimin se u nisen menjehere. Keto veprime kryhen ne emer te detyres, pretendimeve te familjareve dhe transparences", thote Vogli, duke ia lene fjalen e fundit grupit hetimor.