Hila: Projekti i te rinjve, angazhoi 12 aktore ne Teatrin e Kukullave

Teatri Kombetar i Femijeve, eshte i vetmi institucion kulturor qe nuk ka mbyllur dyert gjate sezonit veror. Drejtoresha Klaudia Hila, pohon se Teatri i Kukullave dhe stafi i saj, vijojne punen cdo dite, ndersa thekson se nisma qe ka bere MTKRS, ne lidhje me projektin e te rinjve eshte pozitive, sepse te rinjte kane deshire per te qene ne pune dhe jane te perfshire ne kete projekt 7-mujor, duke filluar nga muaji qershor, deri me muajin dhjetor. Deri ne keto momente, fale ketij projekti, ne kete institucion teatror jane angazhuar rreth 12 aktore te rinj. "Jane 12 te rinj, qe jane te aktivizuar prane institucionit tone. Ata jane regjisore, aktore, skenografe etj., qe perfitojne ne kete projekt. Pa diskutim, ne kete projekt ndihmojne edhe aktoret profesioniste te TKF, te cilet kane dashamiresine qe te percjellin profesionalizmin tek keta te rinj, te cilet do te jene pjese e ketij institucioni, ne te ardhmen e tij. E quaj me vlere kete bashkepunim, qe konsiston edhe ne dhenien e eksperiences midis te rinjve dhe trupes profesioniste", - pohon Hila. Sipas saj, shfaqjet do te alternohen, duke bere te mundur qe teatrin e kukullave ta shijoje jo vetem publiku i vogel ne Tirane, por dhe ne qytete te tjera. Me tej, ajo tregon se ka nisur puna edhe per shfaqjen premiere, "Toka e shqipeve", e cila eshte konceptuar ne kuader te 100-vjetorit te Pavaresise. Sipas saj, kjo premiere qe ka nisur punen me nje staf plot perkushtim dhe pasion, ne keto dite te nxehta, do te jete nje shfaqje qe do te futet ne repertorin e ketij teatri, por ne aktivitetet e medha qe do te behen me rastin e festimeve te Pavaresise. Teatri i Kukullave mbylli sezonin e pare artistik me disa premiera, por nje shfaqje e suksesshme ishte "Tre gjigandet kryenece", me regji te Aurora Qazimit dhe skenografi te Klajd Ymerit.