Hipoteka, ryshfeti 45 mije euro

Artan Cena
Zyrtaret e arrestuar te Hipotekes, oficeri i SHKB-se dhe sekseret, dyshohet se kane perfituar 45 mije euro nga certifikimi abuziv i pronave ne bashkepunim me oficere te policise dhe seksere, qe falsifikonin dokumentacionet. Operacionit te koduar "Furtuna" te policise se Tiranes i kane shpetuar dy zyrtare te tjere te hipotekes dhe nje polic, qe ende nuk jane arrestuar, ndersa emrat nuk behen publik per shkak te hetimit. Nderkohe qe mbremjen e se martes u vune ne pranga gjashte persona, qe akuzohen per 13 raste te perfitimit te titujve te pronesise ne zonen e ish-Parkut te Autobuseve ne kryeqytet. Dyshohet se per cdo rast kalimi te titujve paguheshin deri ne 4 mije euro dhe zbulimi eshte bere nga nje prej pronareve te demtuar.
Burime zyrtare te policise thane se behet fjale per 13 raste te kalimit te titujve te pronesise me nje siperfaqe qe shkon ne disa dynym toke. Artan Mehmeti, 41 vjec, Ramiz Hykaj, 42 vjec, Enton Babameto, 33 vjec, te tre specialiste ne Zyren Qendrore te Regjistrimit te Pasurise se Paluajtshme, ne bashkepunim me Dali Hakorja, 52 vjec, oficer policie i Sherbimit te Kontrollit te Brendshem, si dhe me dy ndihmesit e tyre, Veiz Senko, 55 vjec dhe Halil Hima, 47 vjec, te dyshuar si seksere, akuzohen se kane kryer veprime te kunderligjshme per regjistrimin e pronave dhe leshimin e certifikatave te falsifikuara te pronesise per 13 qytetare. Ky favor eshte kryer ne kembim te marrjes se ryshfeteve si perfitime te paligjshme dhe pervetesimin e pronave padrejtesisht.
Aktiviteti mendohet se kryhej qe prej disa muajve, derisa ne fillim te shkurtit nje prej pronareve te vertete ka denoncuar pervetesimin e prones se tij. Kaq eshte dashur qe specialistet e Drejtorise Kunder Krimit Financiar, ne Policine e Shtetit, ne bashkepunim me Task-Forcen e prokurorise te nisin hetimet dhe verifikojne dokumentacionet. Per kete qellim jane dashur 3 jave pergjime te panderprera ambientale e telefonike. Zedhenesi i policise, Klodian Branko, tha dje se hetimet do te vazhdojne me tej per te zbardhur aktivitetin e ketij grupi.
Komunikuam akuzat per te dyshuarit
Grupi hetimor u ka komunikuar dje akuzat per gjashte te ndaluarit, ndersa mesohet se tre te tjere jane ne kerkim dhe ka nje urdher ndalimi. Akuzat e ngritura ndaj tre zyrtareve te hipotekes jane ato te "korrupsionit pasiv ndaj personave qe ushtrojne funksione publike", "korrupsionit aktiv ndaj personave qe ushtrojne funksione publike", "falsifikim dokumentesh" te kryera ne bashkepunim. Kurse per oficerin e SHKB-se ne polici, Dali Hakorja, rendojne akuzat e "falsifikimit te dokumenteve", "falsifikimit te formulareve, stampave dhe vulave", "ushtrimit te ndikimit te paligjshem te personit qe ushtron funksion publike". Pritet qe te dyshuarit te merren ne pyetje e te japin shpjegime para grupit hetimor.
Kontrollet
Zbulohen 13 vula institucionesh
Gjate kontrollit te banesave te personave te mesiperm, mesohet se u gjeten 13 vula te institucioneve te ndryshme, si hipoteke, bashki, noter, avokat e dokumente shkresore. Policia e Shtetit deklaroi se denoncimi i nje prej qytetareve coi ne zbardhjen e abuzimit dhe u shpreh e hapur per cdolloj rasti. Nderkohe qe po hetohet se ku jane gjetur vulat e institucioneve qe jane pervetesuar me pas nga te dyshuarit si seksere.
Ne pranga:
Dali Hakorja, 52 vjec,
Artan Mehmeti, 41 vjec
Ramiz Hykaj, 42 vjec
Enton Babameto, 33 vjec
Veiz Senko, 55 vjec
Halil Hima, 47 vjec
Sekuestruar:
13 vula te institucioneve te ndryshme, si hipoteke, bashki, noter, avokat e dokumente shkresore