Histori rrëqethëse në Kurrë më

Nën titullin Kurrë më erdhi premiera e radhës në skenën e Teatrit të Prishtinës. Libri i Sanije Gashit Histori të tmerrit 1998-99, ka frymëzuar realizimin e një shfaqjeje proteste, me titull Kurrë më. Kjo shfaqje është e bazuar nga rrëfimet dramatike të grave që përjetuan tmerret e luftës në shtëpitë e tyre, në familjet e tyre, të grave që rrëfyen histori rrëqethëse.

 Rrëfimet e paraqitura në këtë shfaqje janë nga rajone të ndryshme të Kosovës. Kurrë më përmban 6 monologë, të cilat i rrëfejnë 6 aktore të njohura kosovare: Safete Rogova, Kumrie Hoxha, Aurita Agushi, Egzona Ademi, Florentina Ademi dhe Leonora Hasani interpretuan në skenë për publikun, duke përcjellë një realizim me vlera artistike në skenën teatrore.