Homazhe për diplomatin Vladimir Prela

Personalitet më të larta të shtetit, politikanë, diplomatë, miq dhe të afërm kanë bërë homazhe sot në nderim të diplomatit Vladimir Prela në ministrinë e jashtme. Ambasadori i Shqipërisë në Maqedoni, Vladimir Prela është ndarë dje nga jeta në moshën 59-vjeçare. Prela gjendej në banesën e tij kur ka pësuar një infrakt në zemër. Prela ka qenë redaktor i politikës së Jashtme në gazetën "Koha Jonë". Vladimir Prela ka qenë këshilltar politik i Presidentit të Republikës të asaj kohe, Rexhep Meidani, po ashtu ka kryer funksionin e këshilltarit edhe në kabinete qeveritare. Vladimir Prela në vitin 1999 ka qenë i pari përfaqësues diplomatik i Shqipërisë për Kosovën e sapo çliruar nga NATO, menjëherë pas luftës kundër Serbisë. Ndërsa në vitin 2003 Prela u emërua ambasador i Shqipërisë në Maqedoni.