Hotel “Rozafa” përfshihet nga zjarri

Momente tensioni janë regjistruar në hotel “Rozafa” në Shkodër mbrëmjen e së mërkurës. Rreth orës 21.15 në katin e dytë të tij ka rënë zjarr.

Në vendngjarje kanë mbërritur zjarrfikësit, të cilët fillimisht kanë nxjerrë jashtë të gjithë të akomoduarit mes tyre edhe turistë të huaj.

Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale. 

Grupi hetimor, po punon për zbardhjen e plotë të shkakut të rënies së zjarrit dhe për sqarimin e rrethanave të rastit.

Dyshohet se zjarri nisi si pasojë e një shkëndije elektrike.

/ rtsh.al /