Huthitët në krah të Hezbollahut: Izraeli e ka planifikuar prej vitesh sulmin në Liban

Udhëheqësit e Houthive të Jemenit që mbështeten nga Irani janë zotuar se “nuk do të hezitojnë të mbështesin Libanin dhe Hezbollahun”, teksa konflikti ndërkufitar midis grupit terrorist me bazë në Liban dhe Izraelit vijon të intensifikohet.

Në një fjalim televiziv, kreu i grupit të Houthit Abdul Malik al-Huthi ka dënuar sulmet izraelite në Liban, duke thënë se ato synojnë të bllokojnë Hezbollahun, i mbështetur gjithashtu nga Irani, nga “mbështetja e Gazës dhe popullit palestinez”.

Që nga nëntori, grupi i Houthit kanë vënë në shënjestër anijet e Detit të Kuq me dronë dhe raketa, duke thënë se ishte në solidaritet me palestinezët në luftën e Gazës, e cila u ndez nga masakra e Hamasit në Izrael më 7 tetor.

Izraeli këtë muaj tha se po e zhvendoste fokusin e ushtrisë së tij nga Gaza tek aleati i Hamasit, Hezbollahu, i cili ka qëlluar mbi komunitetet dhe postet ushtarake izraelite që nga fillimi i luftës në Gaza.

Shefi i Houthi e përshkruan veprimin e Izraelit në Liban si “agresion të planifikuar paraprakisht” prej vitesh”, ndërsa pohoi se Hezbollahu ishte “më i fortë se kurrë më parë”.

Duke u mbështetur në luftën e vitit 2006 mes Izraelit dhe Hezbollahut, ai paralajmëron se “çdo operacion tokësor në Liban do t’i shkaktojë humbje të mëdha armikut dhe rezultati i tij i pashmangshëm do të jetë një disfatë e madhe”.

Udhëheqësi Huthi shtoi se raketat e Hezbollahut mund të godasin të gjitha pjesët e “Palestinës së pushtuar”.

Houthi-t po luftojnë Izraelin si pjesë e “boshtit të rezistencës” të Iranit, i cili përfshin Hamasin, Hezbollahun dhe disa grupe myslimane shiite irakiane.

/rtsh.al/