Hyn në ditën e 60-të bllokada e plotë izraelite në Gazë
Gaza ka hyrë në ditën e 60-të të një bllokade të plotë izraelite, duke shënuar mbylljen më të gjatë në historinë e enklavës.
Që nga 2 marsi ushqime, ujë, ilaçe ose furnizime thelbësore nuk janë në Gazë.
Kjo ka intensifikuar një krizë tashmë të rëndë humanitare dhe e shtyu rajonin më afër urisë në shkallë të plotë.
Gjykata Ndërkombëtare e Drejtësisë (ICJ) aktualisht po zhvillon seanca dëgjimore për të vlerësuar detyrimet ligjore izraelite për të siguruar ndihmë humanitare për palestinezët në Gaza dhe Bregun Perëndimor të okupuar.
Kuzhinat e komunitetit, dikur një rrugë shpëtimi për shumë njerëz, po mbyllen me shpejtësi për shkak të mungesës së burimeve.
Nga rreth 170 kuzhina funksionuese para mbylljes, mbeten vetëm 70 deri në 80, dhe shumë mund të mbyllen brenda ditëve pa ndihmë të përtërirë. Vetëm të hënën e fundit, 15 kuzhina shtesë pushuan së funksionuari.
Kostoja njerëzore që nga fillimi i luftës në tetor 2023 ka qenë katastrofike. Mbi 52,000 palestinezë janë vrarë dhe më shumë se 118,000 të plagosur.
Më 18 mars, forcat izraelite të okupimit rifilluan sulmet ajrore, duke prishur një marrëveshje armëpushimi të bërë në janar.
Sulmet kanë synuar strukturat civile, përfshirë tenda, spitale dhe shkolla u kthyen strehimore. Vetëm një ditë të fundit, 30 palestinezë u vranë.
Programi Botëror i Ushqimit (WFP) njoftoi në fillim të këtij muaji se nuk ka asnjë rezervë ushqimore të mbetur në Gazë.
/rtsh.al/