I nxehti, Ministria e Bujqesise nis kontrollet ne tregje

Zonat bregdetare, dhe pikerisht lokalet dhe baret jane vene nen kontrolle te rrepta nga Ministria e Bujqesise per sa i perket cilesise se sherbimeve, dhe sigurise ushqimore. Kjo sepse rritja e temperaturave shton rrezikun e helmimeve nga ushqimet, vecanerisht per produktet sensitive per stinen e veres si akulloret dhe akulli. Ministria e Bujqesise ka nisur kontrollet ne te gjitha baret dhe restorantet e zonave bregdetare si dhe ne pikat e tregtimit me shumice dhe pakice te artikujve ushqimore. Drejtoresha e Sigurise Ushqimore, Valbona Paluka shpjegon se vemendje e vecante do t'u kushtohet produkteve sensitive, si ato shtazore, akullit dhe akulloreve. "Ky kontroll konsiston ne te gjithe vendet turistike, ne te gjithe rrjetin e tregtimit te gastronomise, bar-restorante, te pikave te tregtimit, ashtu sikurse edhe magazinave te medha te tregtimit me shumice te subjekteve prodhuese. Sidomos produktet me sensitive sic jane produktet me origjine shtazore. Mbeten nen kontroll dhe frigoriferet si dhe pikat e prodhimit dhe te tregtimit te akullores dhe akullit"- tha Paluka. Por, kontrollet nuk mund te jene zgjidhje per te gjitha rastet, per kete arsye ekspertet e ministrise se Bujqesise i bejne apel konsumatoreve qe te tregojne kujdes dhe te mos blejne ushqime te pa kontrolluara qe shiten ne rruge dhe qe rrezikojne shendetin e tyre. Nje tjeter inspektim pritet qe te nise edhe nga drejtorite e Shendetit Publik per sa i perket edhe fast-foodeve apo pikave te tjera ku tregtohen produkte ushqimore te castit.

Ekspertet e Ministrise se Bujqesise kane vene edhe nje here theksin se te gjitha produktet ushqimore qe blihen duhet te jene ne afatet e percaktuara te skadences. Ndaj keshillohen konsumatoret qe te shohin datat perpara se te bejne pagesat