I vjen 201 mijë dollarë fatura e telefonit

Nëse në fund të muajit fatura e telefonit do tu vinte plot 201 mijë dollarë, me siguri që do të vinit duart në kokë nga marrëzi! Kjo gjë i ka ndodhur amerikanes Selina Arons, nga Florida.

Selina ka dy vëllezër shurdh-memecë, të cilët komunikojnë me anë të sms-ve në telefon, i përdorin ata për të hyrë në internet dhe shohin e shkarkojnë video nëpërmjet telefonave.

Për dy javë, ata ishin në Kanada dhe dërguan më shumë se 2 mijë sms dhe përdorën sistemin roaming, si dhe shkarkuan shumë materiale. Në fund, fatura për motrën e tyre erdhi plot 201 mijë dollarë.

Ajo e tregoi këtë histori në televizor dhe kompania telefonike vendosi që tja reduktojë këtë shumë në vetëm 2500 dollarë, shumë që duhet ta paguajë brenda gjashtë muajve.