I zhgënjyeri Edi Reja: Meritonim më shumë

Torino - Trajneri i Napolit, Edi Reja, është shfaqur mjaft i mërzitur pas dështimit të fundit që skuadra e tij pësoi mbrëmë në Torino përballë Juventusit për Kupën e Italisë. Napoli u mund nga penalltitë, duke u eleminuar kështu nga kjo garë.

“Është një zhgënjim i madh. Meritonim me sigurinë më të më shumë se kaq, por nuk shkoi ashtu siç donim ne, -deklaron trajneri i Napolit, Edi Reja. Krijuam shumë raste për të shënuar, por nuk arritëm të konkretizonim gjë. Përfundimi i takoi penalltive, dhe aty nuk ishim me fat. Zhvilluam një ndeshje të madhe. Na duhej të kishim një fije më shumë fat. Më vjen shumë keq, meritonim më shumë”.