INSTAT:Është ulur deficiti tregtar

Tregtia me jashtë vazhdon që të ketë tregues mjaft pozitiv dhe në rritje. Alma Mezini specialiste e tregtisë me jashtë pranë INSTAT deklaroi se për muajin shkurt ka pasur një rritje të eksporteve me 35.7 përqind dhe si rezultat ulje të deficitit tregtar.

Ndërkohë nëngrupi i cili ka pasur rritjen më të madhe me rreth 97.7 përqind ka qenë nëngrupi i energjisë, lëndëve djegse dhe mineraleve.
 

Sipas INSTAT në krahasim me janarin e 2011 rritje me 4.1 ka pësuar edhe importi i mallrave me akcizë. Partnerët kryesorë tregtarë të Shqipërisë vazhdojnë që të mbeten Italia dhe Greqia.