ISHP: Cilat plazhe jane te pastra

Instituti i Shendetit Publik, analiza ne te gjitha plazhet e vijes bregdetare te vendit. Si paraqitet situata
Te shkosh me pushime dhe te pesosh ndonje infeksion, eshte me e keqja qe mund t’u ndodhe pushuesve. Pervecse shpenzojne shuma te medha parash per te bere pushimet, ata duhet me pas te rendin drejt mjekeve per shkak te helmimeve ushqimore, infeksioneve te syve, te lekures etj. Pikerisht per te shmangur kete fund aspak te kenaqshem pushimesh, specialistet kane bere nje studim, ne menyre qe te informojne pushuesit se cilat plazhe jane te pershtatshem per pushuesit. Ne fakt, ata kane publikuar karakteristikat e plazheve, pasi do te jene vete pushuesit ata qe do te vendosin se ku te shkojne.
Ndotja
Plazhet me te ndotura ne vend, ku specialistet rekomandojne deri edhe mosfrekuentimin nga pushuesit, per shkak te ngarkesave te larta mikrobiologjike ne uje, jane kryesisht plazhet prane Durresit. Me konkretisht, te piset rezultojne plazhi i Durresit kryesisht ne Currila, plazhi Zhiron, ne zonen e shkembit te Kavajes tek Plepat, por edhe plazhet e tjera. Sipas specialisteve, ne keto plazhe, rezultatet e analizave jane alarmante. Ne nje raport te Ministrise se Mjedisit, me analiza te ujerave te deteve, kryer nga Instituti i Shendetit Publik, rezulton se plazhi i plepave ne Golem eshte i ndotur pertej parametrave te OBSH dhe Komunitetit Evropian. Jo vetem qe ujerat detare kane ngarkese te larte bakteriologjike, por mjaft problematike eshte gjendja edhe ne mjedisin perreth plazhit. Specialistet (dhe jo vetem ata), kane konstatuar se ne mes te reres vihen re kanale ujerash te zeza dhe pellgje ujerash urbane, qe kundermojne ere te rende.
Monitorimi
Per gjashte muaj me radhe, deri ne fund te muajit korrik jane kryer tre seri monitorimesh ne te gjithe vijen bregdetare qe shfrytezohen nga pushuesit. Sipas specialisteve, situate e rende paraqitet edhe ne plazhin e vjeter ne qytetin e Vlores. Gjithashtu gjate zones Skele –Plazh i Ri derdhen kanale te shumta te ujerave te zeza. Edhe ne plazhin e ri specialistet kane konstatuar ngarkesa te larta bakteriologjike ne uje. Sipas raportit, faktori kryesor i ndotjes se ujerave bregdetare, jane shkarkimet e ujerave te zeza ne det si dhe shkarkimet e ujerave urbane te patrajtuara, te cilat derdhen direkt apo indirekt ne det. Ndonese jane ndertuar hotele, luksoze investitoret nuk kane menduar se nje dite pushuesit do t’u largohen vetem nga ndotja qe ata krijojne. Dhe, ata po perballen me kete fenomen sidomos kete vit, kur informacioni dhe mundesite per te pushuar, jane shtuar.
L.Ndoka

Nuk jane te ndotura bakterologjikisht
Cilat plazhe rekomandojne specialistet
Duket se edhe sivjet, ne top-listen e plazheve me te pastra, jane plazhet e jugut. Ne perfundimet e raportit, specialistet theksojne se, ne zonen jugore te vendit, me te rekomandueshme jane plazhet pas tunelit ne Vlore, Radhima, plazhi i Orikumit, Dhermiut, Himares dhe Borshit. Madje, ata shkojne deri aty, sa t’i cilesojne si plazhet me te pastra ne vend. Edhe plazhet e Sarandes rezultojne brenda normave te lejuara nga OBSH, me perjashtim te plazhit ne Kanalin e Cukes, ku rezultatet i kapercejne keto norma.

Shengjin, Velipoje
Ndersa ne zonen veri-perendimore, ne plazhet e Shengjinit dhe te Velipojes, ujerat detare jane brenda normave, por vihet re mungese e kushteve higjienosanitare ne mjedisin perreth, dhe ndotje e siperfaqes se reres nga mbeturinat.

Plazhet dhe mjedise te ndotura:
Currilat ne Durres
Zhiron
Shkembi i Kavajes
Plepat
Cuke, Sarande

Uji i paster, ambienti i ndotur:
Shengjin
Velipoje

Plazhe dhe mjedise te pastra
Pas tunelit, Vlore
Radhime
Orikum
Dhermi
Himare
Borsh