IZRAEL – IDF: Trupat tokësore shkatërruan tunele dhe depo armësh në Liban

TEL AVIV, 5 tetor /ATSH-DPA/- Trupat tokësore të Izraelit kanë shkatërruar tunele të tjera që i përkasin milicisë shiite libaneze të Hezbollahut dhe depo armësh në Libanin jugor, tha sot ushtria izraelite (IDF).

Objektivat janë të vendosura në zona malore. Armët dhe municionet shpesh fshihen në shtëpitë e banimit.

“Gjatë operacioneve luftarake nëntokësore, sistemet e tuneleve u shpërthyen, të cilat terroristët e Hezbollahut i kishin përdorur për t’iu afruar kufirit me Izraelin”, tha ushtria.

Raportet nuk mund të verifikohen në mënyrë të pavarur.

“Hezbollahu ka sulmuar Izraelin me raketa që nga sulmet e 7 tetorit – të nisura nga organizata militante palestineze Hamas dhe grupe të tjera ekstremiste – për shkak të “solidaritetit” me Hamasin në Rripin e Gazës”, tha milicia e mbështetur nga Irani.

“Sulmet do të vazhdojnë derisa të ketë një armëpushim në Gazë”, tha Hezbollahu.

Qeveria izraelite kërkon të dëbojë milicinë nga Libani jugor në mënyrë që rreth 60 000 banorët e evakuuar nga Izraeli verior të mund të kthehen në shtëpitë e tyre. //a.i/