Inceneratori i Tiranës, SPAK jep pretencën për 8 të pandehurit
TIRANË,7 shkurt /ATSH/ Prokuroria e Posaçme Kundër Korrupsionit dhe Krimit të Organizuar (SPAK) kërkoi sot që 8 ish-zyrtarët e marrë të pandehur për dosjen e inceneratorit të Tiranës të shpallen fajtorë për akuzën e shpërdorimit të detyrës dhe të dënohen në total me 26 vite burg.
Mes të pandehurve është edhe ish-ministri i Mjedisit, Lefter Koka për të cilën SPAK kërkon dënimin me 4 vite burg. Sipas medieve në seancën e sotme në GJKKO prokurori Dritan Prençi lexoi pretencën për 7 të pandehurit të cilët akuzohen se në bashkëpunim me njëri-tjetrin dhe ish-ministrin Koka, kanë shpërdoruar detyrën. Të 8 të pandehurve u është pranuar gjykimi i shkurtuar.
Konkretisht, SPAK ka kërkuar për Lefter Kokën, ish-ministër i Mjedisit, 4 vite burg, me gjykim të shkurtuar dënimi ulet në 2,8 vite dhe 5 vite ndalim nga ushtrimi i funksioneve publike;
Bledar Karolin, anëtar i komisionit, kërkohen 4 vite burg, me gjykim të shkurtuar dënimi ulet në 2,8 vite dhe 5 vite ndalim nga funksionet publike;
Fatjon Muratin, anëtar i komisionit, kërkohen 4 vite burg, me gjykim të shkurtuar dënimi ulet në 2,8 vite dhe 5 vite ndalim nga funksionet publike;
Taulant Tushen, anëtar i komisionit, kërkohen 4 vite burg, me gjykim të shkurtuar dënimi ulet në 2.8 vite dhe 5 vite ndalim nga funksionet publike;
Namik Simixhiun, anëtar i komisionit, kërkohen 4 vite burg, me gjykim të shkurtuar dënimi ulet në 2,8 vite;
Valbona Ballgjinin, drejtoreshë juridike, kërkohen 2 vite burg, me gjykim të shkurtuar, i cili konvertohet në shërbim prove;
Sidita Koplikun, anëtar i komisionit, kërkohen 2 vite burg, me gjykim të shkurtuar, i cili konvertohet në shërbim prove;
Jetmir Llapajn, ish-punonjës i QKB, kërkohen 2 vite burg, me gjykim të shkurtuar, i cili konvertohet në shërbim prove.
/r.e/a.f/