India: Nuk do të ndryshojmë qëndrim për Kosovën

Reagimi erdhi nga zëdhënësi i Ministrisë së Jashtme të Indisë, Vishnu Prakash, i cili ka theksuar se qëndrimi i Delhit nuk do të ndryshojë.

"Qëndrimi ynë për shpalljen e njëanshme të pavarësisë së Kosovës nuk ka ndryshuar", ka thënë ai. Zyrtarë indianë kanë shprehur shqetësimin se çështja e Kosovës mund të çojë në një "precedent të rrezikshëm" për rastet e tjera të shkëputjes së njëanshme.

India ka probleme edhe brenda territorit të saj me disa lëvizje në provincat që duan shkëputje nga ajo.