Integrimi i Maqedonis rrezikohet edhe nga vetoja bullgare

Ministria e Punëve të Jashtme e Bullgarisë i ka dërguar sot një notë proteste Maqedonisë, me pretekstin se nuk ka respektuar të drejtat e shtetases bullgare, Spaska Mitrova, e cila sipas tyre ndonëse është e pafajshme është duke vuajtur dënimin me burg në Maqedoni.

Bullgaria kërkon nga autoritet e Maqedonisë që ta lirojnë menjëherë shtetasen e tyre, sepse kanë vlerësuar se është dënuar vetëm se është bullgare.

“Kemi konstatuar edhe fakte të tjera të cilat rrisin dyshimet se qytetarët bullgarë janë pre e presionit administrativ dhe policor vetëm për shkak të përkatësisë etnike”, thuhet në notën verbale të MPJ-së bullgare.