Irak, shkarkohet nga detyra shefi i sigurimit

Gjenerali Abud Kanbar, i cili u hoq nga posti, do të zëvendësohet nga gjenerali Ahmed Hashem Avudeh. Më parë, deputetë të shumtë të parlamentit, kishin kërkuar sqarime nga qeveria se si mund të arrinin të vepronin kështu atentatorët.

Organizimi i serisë së sulmeve, sipas një forumi në internet, është bërë nga dega irakiane e rrjetit terrorist të al-Kaidës. Nga sulmet në Bagdad dje vdiqën të paktën 127 vetë dhe më shumë se 400 të tjerë u plagosën.