Isa Mustafa, përgëzon qytetarët me rastin e Festës së Pashkëve
“Më lejoni që në emrin tim dhe në emër të anëtarësisë së gjerë të Lidhjes Demokratike të Kosovës t’ju shpreh urimet më të përzemërta me rastin e Festës së Pashkëve. Gjatë shekujve, të parët tanë kanë dëshmuar kulturë të mrekullueshme të bashkëjetesës në diversitet dhe të harmonisë vëllazërore fetare. Kjo kulturë e jashtëzakonshme, ky virtyt i veçantë na ka ndihmuar t’i tejkalojmë me besim, me qëndresë e me dashuri sprovat e mëdha, me të cilat jemi ballafaquar ne si popull e si vend”.
Në këtë javë të shenjtë, në Festën e Pashkëve, “le të urojmë nga zemra që Paqja e Hyjit të mbretërojë kudo në botë dhe mbarë popujt të kenë liri, begati dhe harmoni në mes vete. Në ditën e ringjalljes së Krishtit, urimet më të sinqerta u shprehim edhe ushtarëve dhe komandantëve të NATO-s/KFOR- it), të cilët po bëjnë një punë të shkëlqyer për ruajtjen e sigurisë në vendin tonë”, thuhet pos tjerash në këtë urim..
Po ashtu urime u shprehim edhe të gjithë ambasadorëve të vendeve mike, të akredituar në vendit tonë, si dhe familjarëve dhe bashkëpunëtorëve të tyre.