Ishin nisur drejt Tiranës për të luajtur finalen e dytë, volejbollistet e Skënderbeut aksidentohen në Qafë Thanë

Autobusi në të cilin udhëtonte ekipi i vajzave të volejbollit të Skënderbeut është përfshirë në një aksident automobilistik.

Ndeshja e dytë mes Tiranës dhe Skënderbeut në volejboll për femra është anuluar nga Federata e Shqiptare e Volejbollit pasi autobusi i ekipit të vajzave nga Korça ka pësuar aksident të rëndë në Qafë Thanë.

Edhe pse ende nuk është zbardhur e gjithë ngjarja mësohet se volejbollistet Malaj dhe Mehmeti janë lënduar në shpatull ashtu si edhe trajneri Orlando Koja.

Të tre personat në fjalë janë shoqëruar në Spitalin e Prrenjasit ku edhe po marrin ndihmën e parë mjekësore.