Islami: KQZ, nen tutelen e Berishes, po perseritet '96
Akuza te forta te socialisteve ne drejtim te kreut te Komisionit Qendror te Zgjedhjeve, Arben Ristani, ne lidhje me perzierjen e ketij te fundit ne perplasjen e kryeministrit Berisha me shefen e vezhguesve te ODIHR, Glover. Ka qene sekretari per ceshtjet elektorale ne kete parti, Kastriot Islami, ai qe ne nje konference per mediat e ka konsideruar dje "gafe diplomatike" qendrimin e qeverise per misionin e ODIHR si dhe vleresoi se edhe KQZ eshte nen ndikimin e kryeministrit. Islami sulmoi KQZ per rastin e ODIHR, duke e vleresuar nderhyrjen e ketij institucioni, si te denueshem. Sipas tij, Ristani i ka derguar nje leter Gloverit duke i sugjeruar qe te zevendesohet me nje emer tjeter, meqe qeveria e konteston ate si kryesuese te monitoruesve. "KQZ eshte nen tutelen e Berishes. Letra demonstroi qendrim te njeanshem dhe kapercim kompetencash te Ristanit. Ky veprim eshte i denueshem qe cenon hapur pavaresine e KQZ", u shpreh Islami, gjate konferences per shtyp duke theksuar edhe situaten per kartat e identitetit ne vend qe sipas tij "procesi eshte ne prag deshtimi te plote". Sipas funksionarit te larte socialist, bazuar ne modelin e sjelljes partiake te kryetarit te KQZ, Ristani te vendosur teresisht nen ndikimin personal te Berishes, veprimtaria e KQZ ka filluar te komprometohet rende nga nje sere vendimesh teresisht me natyre partiake e antiligjore, te cilat jane nje ogur i keq per administrimin e zgjedhjeve. Kjo sjellje, per Islamin, perben gjithashtu nje provokim ndaj Misionit te Vezhguesve Nderkombetare e vecanerisht ndaj kryetares Glover, por edhe ndaj OSBE e ODHIR duke synuar pengimin e vezhgimit te zgjedhjeve dhe riperseritjen e mashtrimit te madh elektoral te vitit 1996. "Kryetari i KQZ ka shkelur rende Kodin", tha Islami. Njeheresh ai ka akuzuar Berishen, se po perdor te njejtat metoda, por me te sofistikuara sic i perdori ne maj te '96 per manipulimin e votes. Islami eshte ndalur dhe ne pajisjen e qytetareve me karta identiteti. Sipas tij, ky proces po zvarritet dhe po ecen shume ngadale, dhe ne menyre selektive. Per te qeveria vonon dhenien e informacionit. "Ne shkalle vendi kane aplikuar deri me 8 maj 2009, vetem 282 836 votues pa pasaporte ose 38,8% e shtetasve pa pasaporte. Numri total i leternjoftimeve te terhequra eshte 377 103 dhe ose vetem 44 % e aplikimeve, ndersa numri i leternjoftimeve te terhequra nga votuesit pa pasaporte deri me sot, vleresohet jo me e larte se 125 mije", tha Islami. PS ben perseri te qarte qendrimin e saj se "nuk do te mund te kete zgjedhje te lira te ndershme pa i dhene mundesi cdo votuesi te realizoje te drejten e tij kushtetuese". Duke paralajmeruar se shume shpejt socialistet do te bejne te qarte qendrimin e tyre publik per leternjoftimet, listat dhe KQZ-ne. Ja.Ma