Itali incident i rende ne portin e Xhenovas
Një incident i rëndë ka ndodhur në portin e Xhenovas, në Itali, ku anija tregtare, Jolly Nero e shoqërisë “Messina”, është përplasur në molin Giano, duke rrëzuar në det kullën e kontrollit.
Personat që gjendeshin në brendësi të strukturës, në atë moment, që mund të kenë qenë rreth 23 vetë, kanë përfunduar në det. 3 persona janë konfirmuar të vdekur, trupat e të cilëve janë gjetur nga zjarrëfikësit. 6 persona janë shpëtuar, të cilët janë plagosur dhe janë transportuar për në spital. Ndërsa 7 të tjerë janë të zhdukur. Dhjetra ekipe shpëtimi dhe zhytësish janë duke kërkuar në ujërat e asaj zone, për të rikuperuar trupat e 7 personave të tjerë. Në kullë kishte edhe një ashensor, i cili ka përfunduar në det. Zjarrëfikësit, policia, karabinierët dhe kapiteneria janë duke koordinuar forcat për të lehtësimin e kërkimeve dhe për të verifikuar nëse brenda ashensorit mund të ketë pasur ndonjë person. Bilanci është bërë edhe më i vështirë nga fakti që, pikërisht në atë moment, ishte edhe momenti i ndryshimit të turneve të personelit të kapitenerisë së portit. “Jemi të dëshpëruar”, tha mes lotëve Stefano Messina, pronar i anijes, i cili shkoi menjëherë në port pas incidentit. “Jemi të shokuar. Është diçka që nuk ka ndodhur kurrë më parë, jemi shumë të dëshpëruar”. Prokuroria e Xhenovas ka nisur hetimet mbi incidentin. Anija është vënë nën sekuestro dhe komandanti i saj është marrë në pyetje nga hetuesit. Incidenti, i cili ndodhi brenda portit, në momentin e daljes së anijes, mund të jetë shkaktuar nga një avari e papritur e dy motorrëve të anijes. Nëse do të fikeshin, ato do ta bënin anijen tërësisht të pakontrollueshme. Kështu, anija përfundoi duke prekur kullën e kontrollin me krahun e majtë të saj, duke e anuar dhe duke e rrëzuar pjesërisht në ujë. Anija tregtare ishte duke udhëtuar me shpejtësi 4 nyje, me një pilot portual dhe duke u rimorkuar nga një tjetër mjet. Kushte këto, pothuajse të pamundura për një gabim njerëzor.
Personat që gjendeshin në brendësi të strukturës, në atë moment, që mund të kenë qenë rreth 23 vetë, kanë përfunduar në det. 3 persona janë konfirmuar të vdekur, trupat e të cilëve janë gjetur nga zjarrëfikësit. 6 persona janë shpëtuar, të cilët janë plagosur dhe janë transportuar për në spital. Ndërsa 7 të tjerë janë të zhdukur. Dhjetra ekipe shpëtimi dhe zhytësish janë duke kërkuar në ujërat e asaj zone, për të rikuperuar trupat e 7 personave të tjerë. Në kullë kishte edhe një ashensor, i cili ka përfunduar në det. Zjarrëfikësit, policia, karabinierët dhe kapiteneria janë duke koordinuar forcat për të lehtësimin e kërkimeve dhe për të verifikuar nëse brenda ashensorit mund të ketë pasur ndonjë person. Bilanci është bërë edhe më i vështirë nga fakti që, pikërisht në atë moment, ishte edhe momenti i ndryshimit të turneve të personelit të kapitenerisë së portit. “Jemi të dëshpëruar”, tha mes lotëve Stefano Messina, pronar i anijes, i cili shkoi menjëherë në port pas incidentit. “Jemi të shokuar. Është diçka që nuk ka ndodhur kurrë më parë, jemi shumë të dëshpëruar”. Prokuroria e Xhenovas ka nisur hetimet mbi incidentin. Anija është vënë nën sekuestro dhe komandanti i saj është marrë në pyetje nga hetuesit. Incidenti, i cili ndodhi brenda portit, në momentin e daljes së anijes, mund të jetë shkaktuar nga një avari e papritur e dy motorrëve të anijes. Nëse do të fikeshin, ato do ta bënin anijen tërësisht të pakontrollueshme. Kështu, anija përfundoi duke prekur kullën e kontrollin me krahun e majtë të saj, duke e anuar dhe duke e rrëzuar pjesërisht në ujë. Anija tregtare ishte duke udhëtuar me shpejtësi 4 nyje, me një pilot portual dhe duke u rimorkuar nga një tjetër mjet. Kushte këto, pothuajse të pamundura për një gabim njerëzor.