Ivanko: S'ka marreveshje me Beogradin pa pelqimin e Kosoves

Misioni i Organizates se Kombeve te Bashkuara ne Kosove, UNMIK, ka reaguar nepermjet zedhenesit mbi bisedimet qe ajo po zhvillon me Serbine, duke bere te ditur se asnje vendim nuk do te merret pa pelqimin e Qeverise se Kosoves. "Asnje marreveshje me Beogradin nuk do te behet pa pelqimin e qeverise se Kosoves", u shpreh dje zedhenesi i UNMIK-ut, Aleksander Ivanko. Ai hodhi poshte konstatimet se shefi i UNMIK-ut, Lamberto Zannieri, po ben negociata me Beogradin pa dijenine e Prishtines zyrtare. Ivanko theksoi se shefi i UNMIK-ut nuk ka mandat te beje negociata, por te vendose dialog, mundesisht te drejtperdrejte, ne mes te Prishtines e Beogradit per disa ceshtje, sic jane gjyqesia, policia e doganat. Zedhenesi i UNMIK-ut, ka hedhur poshte zerat se shefi i tij ka propozuar krijimin e nje strukture policore jashte struktures komanduese te policise se Kosoves. "Nuk ka pasur propozim per ndryshimin e zinxhirit komandues. Asnjehere. Zinxhiri komandues eshte nje. Te gjithe policet, qofshin ata shqiptare, serbe, gorane apo turq, kane nje zinxhir te vetem komandues, ate te SHPK-se ne Prishtine. Nuk ka asnje propozim tjeter ne tavoline", ka theksuar Ivanko.