Izraeli mohon transferimin e sistemeve raketore Patriot në Ukrainë

Ministria e Jashtme izraelite ka mohuar informacionin në lidhje me transferimin e supozuar të sistemeve të mbrojtjes ajrore Patriot në Ukrainë.

“Ministria e Jashtme zyrtarisht hedh poshtë deklaratat e ambasadorit izraelit në Ukrainë, Mikhail Brodsky, të bëra në një intervistë me një bloger, në të cilën ai pretendoi se Jerusalemi kishte transferuar sisteme Patriot në Ukrainë. Në përgjigje të një kërkese nga Ynet, Ministria e Jashtme deklaroi se “këto deklarata nuk janë të vërteta. Izraeli nuk transferoi sisteme Patriot në Ukrainë,” tha faqja e internetit e botimit të martën.

Sipas  Izraelit, pas shfaqjes së kësaj deklarate, Rusia kërkoi sqarime zyrtare nga Izraeli në lidhje me deklaratat e diplomatit.

Sistemi i mbrojtjes ajrore Patriot është një sistem amerikan i mbrojtjes ajrore me rreze të mesme dhe të gjatë veprimi i zhvilluar nga Raytheon.

Sistemi është i projektuar për të kapur avionë, raketa lundrimi dhe balistike, dhe ka një radar me faza dhe raketa interceptuese me precizion të lartë.

Gazeta New York Times raportoi së fundmi se Ukraina do të marrë dy sisteme shtesë të mbrojtjes ajrore Patriot këtë verë.

/rtsh.al/