JD Vance: Evropa duhet të luajë një rol udhëheqës në garancitë e sigurisë për Ukrainën

Zëvendëspresidenti i SHBA-së, J.D. Vance, ka deklaruar se vendet evropiane duhet të marrin përgjegjësinë kryesore për ofrimin e garancive të sigurisë ndaj Ukrainës, duke theksuar se barra nuk duhet të jetë kryesisht mbi Shtetet e Bashkuara.

“Nuk mendoj se duhet ta mbajmë ne barrën,” tha Vance për një rrjet televiziv amerikan, “në një kohë kur diplomacia për paqen është në kulmin e saj.”

Ai shtoi se, “SHBA do të ndihmojë nëse është e nevojshme për të ndaluar luftën dhe humbjet njerëzore, por se “Evropa duhet të luajë rolin kryesor.”

Sipas tij, pavarësisht formës që do të marrë marrëveshja për garancitë e sigurisë, “evropianët do të duhet të mbajnë pjesën më të madhe të barrës.”

/rtsh.al/