Ja zonat ku s’do të ketë drita në të gjithë vendin
Energjia elektrike do të vazhdojë të mungojë përgjatë orëve të paradites. Shkak për këtë do të jenë remontet e programuara nga Operatori i Sistemit të Shpërndarjes (OSSH).
Fabiola Çela
Sipas OSSH-së, këtë javë është planifikuar të kryhen remonte në nënstacionet e Tiranës, Golemit, Shkodrës etj. Si pasojë e punimeve që do të kryhen në nënstacione, disa zona të këtyre qyteteve do të jenë pa drita gjatë orëve të paradites. Sipas programit të OSSH-së, i cili hartohet në krye të çdo jave, sot do të vazhdojë remonti në nënstacionin e Golemit. Për rrjedhojë do të ketë ndërprerje të energjisë në këtë zonë nga ora 10:00 deri në orën 13:00. Sipas OSSH-së, në këtë nënstacion po punohet për të vendosur çelësin e ri 10 kilovolt dhe 3000 amperë. Ky investim ka për qëllim transmetimin normal të energjisë nga tensioni i lartë nëpër kabina, dhe pastaj te konsumatorët. Ndërkaq remonte do të ketë edhe në Tiranë në nënstacionin 220 kv, i cili do të stakojë linjën që furnizon nënstacionin e uzinës së “Traktorëve”. Me kalimin në remont të këtyre nënstacioneve nuk do të ketë energji elektrike nga ora 09:00 deri në 15:00 në zonën e Kinostudios, uzina e “Traktorëve”, rruga “Ali Demi”, rruga e Elbasanit, Ministria e Shëndetësisë dhe Ministria Jashtme. Për Tiranën remonte do të ketë përgjatë gjithë javës, por në nënstacione të tjerë. Mungesa të energjisë si pasojë e remonteve do të ketë edhe në qytetin e Shkodrës. Deri në fund të javës në disa zona të Shkodrës energjia do të mungojë nga ora 08:00 e mëngjesit e deri në orën 14:00. Sipas drejtuesve të OSSH-së, kryerja e këtyre punimeve në nënstacionet elektrike është e domosdoshme. Remontet janë parashikuar të përfundojë në muajin shtator. Me përfundimin e punimeve pritet të përfundojnë edhe ndërprerjet e energjisë elektrike.
Privatizimi i OSSH-së në fazën përfundimtare
Privatizimi i OSSH-së tashmë ka hyrë në një fazë përfundimtare. “Katër kompanitë e parakualifikuara kanë filluar procesin e due diligence-s, duke u njohur me të gjithë dokumentacionin teknik dhe financiar të kompanisë, duke vizituar objektet e saj, me qëllim që të përgatisin ofertat e tyre”, kanë deklaruar dje burime zyrtare nga Ministria e Energjetikës. Ofertat e kompanive “EVN” AG, “ENERGIE STEIERMARK” AG, “CEZ” a.s. dhe “ENEL” S.p.A., do të paraqiten në fillim të shtatorit. METE dhe ERE janë duke përgatitur kriteret e vlerësimit të këtyre ofertave. Kompanitë janë parakualifikuar për privatizimin e 51% deri në 76% të aksioneve të OSSH-së. Puna për privatizimin e OSSH-së ka një vit që ka nisur me konsulencën e IFC, me një kuadër të ri ligjor, i cili vendos rregullat e reja në treg të liberalizuar me futjen e një operatori privat në sektorin e shpërndarjes.
Fabiola Çela
Sipas OSSH-së, këtë javë është planifikuar të kryhen remonte në nënstacionet e Tiranës, Golemit, Shkodrës etj. Si pasojë e punimeve që do të kryhen në nënstacione, disa zona të këtyre qyteteve do të jenë pa drita gjatë orëve të paradites. Sipas programit të OSSH-së, i cili hartohet në krye të çdo jave, sot do të vazhdojë remonti në nënstacionin e Golemit. Për rrjedhojë do të ketë ndërprerje të energjisë në këtë zonë nga ora 10:00 deri në orën 13:00. Sipas OSSH-së, në këtë nënstacion po punohet për të vendosur çelësin e ri 10 kilovolt dhe 3000 amperë. Ky investim ka për qëllim transmetimin normal të energjisë nga tensioni i lartë nëpër kabina, dhe pastaj te konsumatorët. Ndërkaq remonte do të ketë edhe në Tiranë në nënstacionin 220 kv, i cili do të stakojë linjën që furnizon nënstacionin e uzinës së “Traktorëve”. Me kalimin në remont të këtyre nënstacioneve nuk do të ketë energji elektrike nga ora 09:00 deri në 15:00 në zonën e Kinostudios, uzina e “Traktorëve”, rruga “Ali Demi”, rruga e Elbasanit, Ministria e Shëndetësisë dhe Ministria Jashtme. Për Tiranën remonte do të ketë përgjatë gjithë javës, por në nënstacione të tjerë. Mungesa të energjisë si pasojë e remonteve do të ketë edhe në qytetin e Shkodrës. Deri në fund të javës në disa zona të Shkodrës energjia do të mungojë nga ora 08:00 e mëngjesit e deri në orën 14:00. Sipas drejtuesve të OSSH-së, kryerja e këtyre punimeve në nënstacionet elektrike është e domosdoshme. Remontet janë parashikuar të përfundojë në muajin shtator. Me përfundimin e punimeve pritet të përfundojnë edhe ndërprerjet e energjisë elektrike.
Privatizimi i OSSH-së në fazën përfundimtare
Privatizimi i OSSH-së tashmë ka hyrë në një fazë përfundimtare. “Katër kompanitë e parakualifikuara kanë filluar procesin e due diligence-s, duke u njohur me të gjithë dokumentacionin teknik dhe financiar të kompanisë, duke vizituar objektet e saj, me qëllim që të përgatisin ofertat e tyre”, kanë deklaruar dje burime zyrtare nga Ministria e Energjetikës. Ofertat e kompanive “EVN” AG, “ENERGIE STEIERMARK” AG, “CEZ” a.s. dhe “ENEL” S.p.A., do të paraqiten në fillim të shtatorit. METE dhe ERE janë duke përgatitur kriteret e vlerësimit të këtyre ofertave. Kompanitë janë parakualifikuar për privatizimin e 51% deri në 76% të aksioneve të OSSH-së. Puna për privatizimin e OSSH-së ka një vit që ka nisur me konsulencën e IFC, me një kuadër të ri ligjor, i cili vendos rregullat e reja në treg të liberalizuar me futjen e një operatori privat në sektorin e shpërndarjes.