Jahjaga mbështet pa rezervë dialogun politik me Serbinë

Presidentja e Kosovës, Atifete Jahjaga mbështet pa rezervë dialogun politik me Serbinë me synimin e vetëm, normalizimin e marrëdhënieve fqinjësore.

Presidentja Jahjaga tha se veriu i Kosovës nuk do të jetë çështje e bisedimeve, mirëpo me Serbinë, theksoi ajo do të diskutohet për largimin e strukturave paralele nga veriu në mënyrë që në të tri komunat në veri të Kosovës të krijohen kushte për organizimin e zgjedhjeve të lira, në të cilat qytetarët serbë mund t’i zgjedhin përfaqësuesit e tyre legjitim politik./Indeksonline/