Jahjaga takim me Moisiun dhe Mejdanin
Presidentja e Kosovës, Atifete Jahjaga, ka pritur sot në takim ish-presidentët e Shqipërisë, zotin Alfred Moisiu dhe Rexhep Mejdanin.
Gjatë fjalës së saj Jahjaga tha se me angazhimin e tyre gjatë mandatit dhe funksionit, në periudha të rëndësishme për Shqipërinë, Moisiu dhe Mejdani "ndikuan në proceset demokratike dhe në avancimin e proceseve për anëtarësim të Shqipërisë në NATO".
Dy ish-presidentët vlerësuan pozitivisht zhvillimet e deritanishme në Kosovë dhe avancimin e saj në proceset e integrimit euroatlantik.