Jashari: Parlamenti i Kosovës të zgjedhë Avokatin e Popullit

Ushtruesi i detyrës së Avokatit të popullit në Kosovë, Hilmi Jashari kritikoi parlamentin e Kosovës për zvarritjen e procesit të zgjedhjes së drejtuesit të këtij institucioni. Në një bisedë për Zërin e Amerikës, zoti Jashari tërheq vërejtjen për gjendjen ende jo të kënaqshme të të drejtave të njeriut në Kosovë. Këtë javë parlamenti anuloi konkursin për zgjedhjen e Avokatit të Popullit duke nxitur shqetësimin e organizatave humanitare por edhe përplasje ndërmjet partive politike.