Jemen, liderët fetarë kërkojnë largimin e presidentit

Udhëheqësit fetarë të Jemenit janë kthyer në anën e protestuesve duke kërkuar largimin e menjëhershëm të presidentit Ali Abdullah Saleh.

Në deklaratën e udhëheqësve fetarë thuhet se kërkesat paqësore të protestuesve duhet të plotësohen, ndërsa i bëhet thirrje presidentit  "të largohet menjëherë bashkë me të gjithë familjarët e tij nga ushtria dhe aparati i sigurisë së shtetit".

Presidenti Ali Abdullah Saleh është në pushtet që nga viti 1978.