"Jemi shumë të zënë me spektaklin "Shqipëria në NATO", këtu lart...!"

Gërdecarët e shkretë po paralajmërojnë protesta. I vranë, dhe pasi i vranë, edhe i gënjejnë! Qeveria nuk merret më me ta... Ehuuu!... Janë të zënë, të zënë me punë qeveritarët. Me siguri, thonë pas dritareve të zyrave:"Ç'është ky Gërdec? Ah, pooo! Po, po! Qeveria i ka marrë të gjitha masat...!

Ka shkarkuar ca ushtarakë, ka dhënë ca lekë (s'ka rëndësi se kush i ka marrë, qeveria i ka dhënë), ka analizuar mbarëvajtjen e procesit të MSA-së (pse s'hynte Gërdeci aty?), dhe tani po ndjek me vëmendje ligjëratat e Fatmir Mediut.

Grevë?! Do bëjë Gërdeci grevë??? Po si s'e lënë qeverinë rehat këta njerëz, xhanëm...?! Nc nc nc…!

Isha i bindur që do t'i gënjente edhe gërdecarët, ky karagjozi që kemi për Kryeministër. Unë për vete nuk u kam fijen e besës, njerëzve që flasin me zjarr e pështymë për një gjë. Janë më të prirurit për të harruar ato që thonë.Presin ndihma nga qeveria gërdecarët e shkretë. Cila Qeveri? Kjo Qeveri do t'u vinte në ndihme?! E keni fjalën për Qeverinë që i dogji si minj?

Ej, popull! Jemi shumë të zënë me spektaklin "Shqipëria në NATO", këtu lart... Ndaj, shkoni tingëlloni si të çmendur diku tjetër ju lutem!!!