Jemi të gjithë marsianë, jeta në Tokë erdhi përmes një meteori

FIRENCE-Sipas provave të dala nga një studim i fundit në konferencën e Goldsmith 2013 që po mbahet në Firence, jeta në Tokë mund të ketë nisur nga Marsi. Kështu pohoi Gjeokimiku Steven Benner duke mbështetur tezën e tij të kërkimit që kreu Instituti i Shkencës dhe Teknologjisë, ‘The Westheimer’. Shkencëtarët shpjegojnë se një formë minerali e oksiduar e një copëze meteori mund të jetë përgjigja vendimtare për origjinën e jetës që mund të ketë nisur në sipërfaqen e planetit Mars dhe jo këtu në planetin tonë, Tokë.

“Studimet kanë vërtetuar se këto kushte të përshtatshme për origjinën e jetës, mund të jenë ende në Mars”, tha Brenner. Nga studimi i meteorit, sipas shkencëtarëve ai është përgjigja se ai mund të influencojë për lindjen e formave të para të jetës kur ai oksidohet edhe më shumë.

“Kjo formë jete nuk ka qenë e mundur në Tokë, 3 miliard vite me parë, në epokën e zhdukjes së jetës, sepse kishte shumë pak oksigjen. Bëhet fjalë për një tjetër tregues të jetës që mund të ketë ardhur në Tokë nga Marsi përmes një meteori, sesa të ketë nisur vetvetiu në këtë planet”, tha Benner.

(d.b/BalkanWeb)