Jeremic: Njohja nga vendet fqinje cenon paqen

Shefi i diplomacise serbe, Vuk Jeremic ka deklaruar se shpreson qe vendet fqinje nuk do te ndermarrin hapa per te njohur pavaresine e Kosoves, vendim qe sipas tij do te cenonte paqen dhe stabilitetin ne rajon.

Kete deklarate Jeremic e beri ne nje interviste per agjencine serbe te lajmeve “Beta”, ku nder te tjera ka theksuar se Beogradi do te reagoje ne menyre adekuate per vendet e rajonit qe do te njohin Kosoven.

“Ne presim qe para votimit te rezolutes serbe ne Asamblene e Pergjithshme te OKB-se vendet e rajonit te mos ndermarrin hapa qe do te nenkuptonin shkeljen e paqes dhe stabilitetit ne rajon”, ka pohuar Jeremic.

Sipas tij, ne rast te njohjeve eventuale, atehere Serbia do te veproje ne baze te planit te saj aksional qe parashikon disa masa ndaj vendeve fqinje.